Kompania Rajonale e Ujësjellësit “Prishtina”, përmes një njoftimi u ka bërë thirrje banorëve të fshatit Miradi e Ulët që të mos e përdorin ujin për pije dhe për përgaditje të ushqimit, për shkak të përkeqësimit të cilësisë së tij
Sipas njoftimit të KRU-së përkeqësimi i cilësisë është vërejtur gjatë punimeve për sanimin e një gypi të ujësjellësit.
“Gjatë punimeve për sanimin e një gypi të ujësjellësit në fshatin Miradi e Ulët, është vërejtur përkeqësim i cilësisë së ujit.Për këtë arsye, lusim të gjithë banorët që, deri në njoftimin e radhës, të mos e përdorin ujin për pije dhe për përgatitjen e ushqimit”, thuhet në njoftimin e KRU-së.
Kjo masë, sipas KRU-së, do të jetë në fuqi deri në përfundimin e analizave laboratorike nga KRU “Prishtina” dhe konfirmimin e sigurisë së ujit për konsum.
