Atletico Madrid ka arritur marrëveshje me Tottenhamin për transferimin e kapitenit Cristian Romero.
Sipas gazetarit të njohur Fabrizio Romano, klubi madrilen ka rënë dakord për një paketë prej 40 milionë eurosh, përfshirë bonuset, për transferimin e mbrojtësit argjentinas.
Romero, 28 vjeç, pritej prej kohësh të largohej nga Tottenham këtë verë dhe tashmë duket se e ka gjetur destinacionin e ri.
Mbrojtësi argjentinas ishte lidhur edhe me një transferim te Interi, por klubi italian nuk ishte i gatshëm të përmbushte kërkesat e tij për pagën.
Në garë për Romeron ishte përfolur edhe Arsenali. Madje, sipas raportimeve, lojtari ishte i hapur për një kalim te rivalët londinezë, që do ta bënte atë futbollistin e parë që kalon drejtpërdrejt nga Tottenhami te Arsenali që nga Sol Campbell në vitin 2001.
Megjithatë, Tottenham nuk kishte ndërmend ta lejonte një transferim të tillë dhe tani Romero pritet të vazhdojë karrierën në La Liga.
