Të martën, shumica e parlamentit Libanez me 128 anëtarë votoi në favor të heqjes së dënimit me vdekje, duke u bërë vendi i parë në Lindjen e Mesme që heq dënimin me vdekje.
Dënimet me vdekje do të zëvendësohen me burgim të përjetshëm me punë të detyruar të rënduar.
Libani ka respektuar një moratorium jozyrtar mbi ekzekutimet që nga janari i vitit 2004 , por gjykatat e tij kanë vazhduar të japin dhjetëra dënime me vdekje.
Në fund të vitit 2025, 85 persona përballeshin me dënime me vdekje, sipas Drejtorisë së Burgjeve të Ministrisë së Drejtësisë libaneze.
Sipas raportit të fundit të Amnesty International mbi dënimet me vdekje dhe ekzekutimet, që nga dhjetori, gati tre të katërtat e vendeve të botës e kishin hequr dënimin me vdekje me ligj ose në praktikë, që do të thotë se nuk kanë kryer ekzekutime për 10 vitet e fundit.
