Në qendrën emergjente të Qendrës Klinike Universitare të Kosovës brenda 24 orëve janë ofruar 384 shërbime emergjente.
Sipas njoftimit të QKUK-së, nga numri i përgjithshëm i pacientëve të trajtuar, 125 prej tyre janë menaxhuar në Reanimim.
“Nga numri i përgjithshëm i pacientëve të trajtuar, 125 raste janë menaxhuar në Reanimim, 89 në Emergjencën Internistike, 47 në Emergjencën Kirurgjike, ndërsa 90 pacientë kanë marrë trajtim në Emergjencën Ortopedike.Në Sallën e Vogël janë trajtuar 33 pacientë, kryesisht për ndërhyrje si qepje, përpunim dhe pastrim të plagëve”, thuhet në raportin e QKUK-së.
Tutje, në raport shkruhet se 24 persona Brenda 24 orëve kanë qenë të lënduar në aksidente trafiku
“Sa i përket lëndimeve dhe rasteve të veçanta, gjatë kësaj periudhe janë evidentuar 2 raste të intoksikimit (helmimit), si dhe 24 persona të lënduar në aksidente trafiku. Ndërkohë, gjatë 24 orëve të fundit janë realizuar edhe 32 pranime për trajtim të mëtejmë në klinika të ndryshme të QKUK-së”, shkruhet ndër të tjera në raport.
