Analisti politik, Visa Xani ka vlerësuar se krizat dhe paqartësitë që janë krijuar po e dëmtojnë edhe “harmoninë politike” duke bërë sipas tij edhe më të vështirë arritjen e një ndonjë marrëveshje bashkëpunimi.
Ai ka thënë se moskonstituimi e Kuvendit sipas afatit të dhënë nga Gjykata Kushtetuese me shkelje në dukje kanë bërë një njollë të zezë dhe tash edhe nëse ka formim të institucioneve nuk i japin shumë kredibilitet as një kryeparlamnetari, kryeministri apo presidenti.
“Situata nuk po duket e këndshme, është bë një njollë e zezë për shkak që, tash edhe nëse kemi një bashkëpunim të mundshëm mes partive politike dhe themelim të institucioneve dhe finalizim të tyre, këto shkeljet në dukje të Kushtetutës, nuk i jep shumë kredibiletet asnjë kryeministri as një kryeparlamentari dhe as një presidenti të mundshëm”, ka thënë Xani në emisionin “InfoNata” në Tëvë1.
Ai ka thënë se më mirë do të ishte që këto shkelje të konstatohen nga Gjyakta Kushtetuese dhe vendi të shkojë përsëri në zgjedhje, sesa të lihet në heshtje shkeljet e mundshme.
“Për mendim temin më mirë është mu konstatua këto shkelje e me shkua edhe një herë në zgjedhje nëse ka shkelje, ose mu vonu procesi me muaj deri sa të jep përgjigje Gjykata Kushtetuese, sesa ta lëmë në heshtje shkeljen në dukje dhe të paragjykojmë se kemi zgjedhur kryeparlametar, kryeministër apo president në mënyrë anti-kushtetuese”, ka thënë Xani.
Afati kushtetues ishte të premten më 7 gusht, ndërsa që seanca u thirr për një ditë më vonë të shtunën.
Por, as në këtë seancë sikurse në atë të 6 gushtit, LVV nuk propozoi emrin për kryetar të Kuvendit.
Kryeministri në detyrë, Albin Kurti kërkoi kohë shtesë, sipas tij për t’i dhënë mundësi një marrëveshje politike për presidentit.
Ai është shprehur se konstituimi i Kuvendit dhe formimi i Qeverisë pa një marrëveshje për presidentin qon në zgjedhje të reja.
Për këtë ai ju ka bërë thirrje PDK-së, LDK-së e Aleancës për takime.
Takimet e zhvilluara me LDK-në nuk kanë dhënë ndonjë rezultat, ndërsa PDK e Aleanca ka refuzuar takimin me Kurtin.
