Kryeprokurori i Shtetit, Zejnulla Gashi, ka pritur në takim drejtorin e Doganës së Kosovës, Agron Llugaliu, me të cilin ka diskutuar për forcimin e bashkëpunimit ndërmjet dy institucioneve.
Gjatë takimit, Llugaliu e uroi Gashin për marrjen e detyrës së re si Kryeprokuror i Shtetit, ndërsa diskutimet u përqendruan në intensifikimin e koordinimit institucional në luftën kundër kriminalitetit ekonomik dhe financiar.
Në veçanti, në fokus ishte parandalimi, zbulimi dhe ndjekja e veprave penale që cenojnë interesat ekonomike dhe financiare të Republikës së Kosovës.
Gashi dhe Llugaliu u dakorduan për vazhdimin e bashkëpunimit të ndërsjellë dhe ndërmarrjen e veprimeve të përbashkëta, në përputhje me kompetencat ligjore të institucioneve përkatëse.
Sipas dakordimit, bashkëpunimi synon rritjen e efikasitetit në luftimin e kriminalitetit dhe forcimin e sundimit të ligjit në Kosovë.
“Të dyja palët u dakorduan për vazhdimin e bashkëpunimit të ndërsjellë dhe për ndërmarrjen e veprimeve të përbashkëta, në kuadër të kompetencave ligjore të institucioneve përkatëse, me synim rritjen e efikasitetit në luftën kundër kriminalitetit dhe forcimin e sundimit të ligjit”, theksohet në njoftim./teve1.info/
