Përmes njoftimit, Shoqata ka bërë të ditur se i ka shkruar një letër kryeministrit, Albin Kurti.
Në këtë letër thuhet se shitësit me pakicë janë buzë falimentimit.
“Pikat me pakicë janë furnizuar dje me cmimin 1.71 cent brenda territorit të Rep. së Kosovës, ndërsa Ministria e Industrisë, Ndërmarrësisë dhe Tregtisë e cakton cmimin me 1.75 cent, ku sipas kësaj pikat e vogla të karburantit nuk mund të mbijetojnë më 4 cent”, thuhet në letrën e Shoqatës së Naftëtarëve.
Tutje, naftëtarët i kanë bërë thirrje Qeverisë që ta rishikojnë vendimin.
“Andaj, i apelojmë Qeverisë së Kosovës që sa më parë ta revidoj vendimin, të bëhet kalkulimi i importit, shitja me pakicë si dhe të caktohet çmimi nga ana e Ministrisë së Industrisë, Ndërmarrësisë dhe Tregtisë, me qëllim që mos me i shuar bizneset e vogëla në këtë kohë krize”, thuhet ndër tjerash në letër./teve1.info/
