Përmes një postimi në Facebook, MSH bëri të ditur se Latifi ka falënderuar Manastirliun për mbështetjen e dhënë për këta pacientë.
Tutje, në letrën e Manastirliut shprehin keqardhjen për situatën e krijuar në Klinikën e Onkologjisë së Shërbimit Spitalor të Kosovës dhe se gjenden pranë në këtë situatë të krijuar nga kushtet atmosferike.
“Bazuar në bashkëpunimin e vazhdueshëm reciprok, por edhe në Marrëveshjet e bashkëpunimit në fushën e Shëndetësisë, midis Ministrisë së Shëndetësisë së Republikës së Kosovës dhe Ministrisë së Shëndetësisë dhr Mbrojtjes Sociale të Republikës së Shqipërisë, shprehim angazhimin tonë maksimal për të krijuar mundësinë e trajtimit të pacientëve nga Kosova në njësinë tonë të Radioterapisë”, thuhet në letër.
Në këtë kuadër, thuhet në vazhdim të letrës, po përvijohet një plan i përbashkët pune në nivel teknik për të mundësuar plotësimin e nevojave të përcjella nga Shërbimi i Onkologjisë së Kosovës në përputhje me mundësitë e Shërbimit Onkologjikë Tiranë, sipas prioriteteve të përcaktuara nga specialistët e dy vendeve dhe kapaviteteve të Shërbimit.
“Ministria e Shëndetësisë dhe e Mbrojtjes Sociale e Republikës së Shqipërisë, ka nderin të paraqesë edhe një herë konsideratën e saj më të lartë për Ministrinë e Shëndetësisë së Republikës së Kosovës dhe të shprehë gatishmërinë e saj për çdo ndihmë e komunikim në ditët në vazhdim”, përfundon letra mbëshetëse e ministres Manastirliu dërguar ministrit Latifi./teve1.info/
https://teve1.info/lajmet/onkologjine-e-mori-uji-kosova-planifikon-ti-dergoje-pacientet-per-trajtim-ne-shqiperi/