Gjatë shënimit të Ditës së Përkujtimit për serbët e vrarë dhe të dëbuar në operacionin ushtarak kroat “Stuhia”, presidenti i Serbisë, Aleksandar Vuçiq, riktheu narrativen e ish-presidentit serb, Slobodan Millosheviq.
Vuqiq mohoi përgjegjësinë e Serbisë për luftërat në ish-Jugosllavi.
Ndërsa serbët i paraqiti si viktima dhe fajësoi perëndimin për ngjarjet e viteve ’90-të.
E kjo përpjekje e re e Vuqiq, sipas ekspertëve të sigurisë, nuk përbën lajm
“Kjo është narrative historike e Serbisë ku tentojnë ta shkruajnë dhe rishkruajnë historinë ashtu siç atyre ju konvenon për kundër faktit duke fillu prej meje dhe shumë në rajonë me miliona jemi dëshmitar të dorës së parë të atyre që kan ndodh në vitet e 90-ta dhe dihet botërisht kush ka vepru dhe kush i ka iniciuar ato luftra. Edhe tendencën e atyre luftërave të iniciume prej Serbisë me qëllim të spastrimit etnik të teritorëve ku atëherë ka qenë qasje zyrtare e Serbisë që nëse edhe një Serb jeton në një teritor, ai teritor duhet të konsiderohet teritor Serb, kështu që të tjerët duhet të spastrohen etnikisht”, deklaroi Shkëlzen Sopjani.
Vuqiq, tutje akuzoi vendet perëndimore për mbështetjen e Kroacisë gjatë operacionit “Stuhia”.
E kjo, sipas Sopjanit tregon se Serbia nuk është e gatshme të përballet me të vërtetën.
“Kjo është nëse mundem me thonë një sëmundje e liderëve Serb historikisht që zakonisht paraqiten të verbër para fakteve historike dhe tentojnë ta luajnë në çdo rrethanë viktimen dh eta shmangin fajin. Ky është problemi ma i madh që e ka Serbia dhe më shumë prej kësaj qasje do të vuaj Serbia”, pohoi ai.
Ndërsa sa i përket reagimeve të Bashkimit Evropian, Sopjani thotë se zakonisht janë të vonuara.
“Bashkimi Evropian di të jetë i vonshëm me reagime me theks të vaçanti karshi Serbisë sepse gjithmonë e ka trajtuar në mënyrë ma specifike përkundër faktit që janë mundu me çdo kusht me kthy Serbin, me integru nga Integrime Euro-Atlantike. Deri sot kanë dështu. Mirëpo kohëve të fundit po e shohim një qasje pak më serioze të BE-së karshisë Serbisë edhe kjo u pa në negociatat për antarsim”, tha Sopjani.
Operacioni “Stuhia” ishte një ofensivë ushtarake e Kroacisë më 4–8 gusht 1995, që riktheu kontrollin mbi rajonin e Krajinas.
Kroacia e konsideron atë operacion çlirimtar, ndërsa Serbia e përkujton si dëbim masiv të serbëve.
