Kryetari i Lidhjes Demokratike të Kosovës (LDK), Lumir Abdixhiku, dhe kreu i Lëvizjes Vetëvendosje (LVV) pritet të zhvillojnë sërish një takim.
Sipas burimeve jozyrtare të Tëvë1, takimi pritet të mbahet rreth orës 13:30 në Kuvendin e Kosovës.
Ndërkohë, mësohet se Abdixhiku aktualisht ndodhet në një takim në selinë e LDK-së në Prishtinë, së bashku me deputetët Jehona Sadriu-Lushaku dhe Besian Mustafa.
Ndryshe, në takimin e fundit ndërmjet Kurtit dhe Abdixhikut, palët kanë deklaruar se nuk ishte arritur ndonjë marrëveshje politike.
Megjithatë, gjatë këtij takimi ishte theksuar rëndësia e komunikimit ndërmjet subjekteve politike për tejkalimin e situatës aktuale.
Takimi i sotëm zhvillohet në një kohë kur afati i përcaktuar nga Gjykata Kushtetuese për përmbylljen e konstituimit të Kuvendit është drejt fundit.
Ndërkohë, kryetari i PDK-së, Bedri Hamza, ka refuzuar ftesën për takim me Kurtin, duke bërë të ditur se partia e tij do të qëndrojë në opozitë./teve1.info/
