Kosova edhe sot do të përfshihet nga mot kryesisht me diell dhe temperatura të larta, njofton Instituti Hidrometeorologjik i Kosovës.
Temperaturat minimale do të lëvizin ndërmjet 13 dhe 18 gradë Celsius, ndërsa ato maksimale do të arrijnë nga 33 deri në 37 gradë Celsius.
Do të fryjë erë e lehtë deri mesatare nga drejtimi i veriut dhe veriperëndimit, me shpejtësi prej 1 deri në 5 metra në sekondë.
Në disa zona parashihen vranësira të pakta kalimtare, por pa reshje shiu, transmeton KosovaPress.
IHMK bën të ditur se temperaturat do të mbeten paksa mbi mesataren shumëvjeçare, megjithatë konsiderohen normale për stinën e verës.
