Edhe pse në këtë ceremoni duhej të ishte i pranishëm Drejtori i Zyrës për Kosovën në Qeverinë e Serbisë në Kosovë, Petar Petkoviq, atij nuk u lejua hyrja për të shtatën herë radhazi në Kosovë.
“Më janë përgjigjur se kjo është shkelje e qartë e marrëveshjes, por edhe se bëhet fjalë për një lloj gabimi teknik, për këtë arsye nuk kam mundur të hyj sot në territorin e Republikës së Kosovës dhe është shumë e çuditshme se si është gjithmonë për ndonjë gabim teknik kur fshihen serbet dhe përfaqësuesit e Beogradit”, ka thënë ai.
Pavarësisht kësaj raportet ndër etnike mbesin të mira, këtë e thonë edhe vet banorët e këtij fshati.
‘’Sa i përket raportit me shqiptaret mund te them lirshëm qe asnjëherë nuk kemi pas probleme. Edhe para dhe pas luftës ne njihemi për një raport shume te mire me njeri tjetrin. Shqiptaret nuk kane bere asnjëherë problem dhe as ne nuk u kemi bere problem. Mbi te gjitha ne duhet te jemi shembull se si jetohet ne paqe dhe te jete mësim pre të tjerët’’,thotë ai.
‘’Raportet i kemi te mira nuk kemi probleme këta e kane rrugën e vet dhe ne tonën. Pengesa e vetme janë flamujt e Rusisë dhe Serbisë i vendosin tek shkolla po se kem lajmërua policinë akoma sepse ata janë në qarkullim gjithmonë këtu dhe e shohin dhe vet’’, thotë Shemsi Sherifi
Në ceremoni, kanë marrë pjesë zyrtarë të strukturave paralele serbe në Kosovë si dhe kryetari i Listës Serbe dhe ministri për Kthim e Komunitete në Qeverinë e Kosovës, Goran Rakiq.
Kronika e realizuar nga Lendrina Kodrolli
