Kryetari i katërt në historinë e partisë më të vjetër në Kosovë (LDK), Lumir Abdixhiku, i ka mbijetuar të enjten nismës për shkarkimin e tij në Kuvendin e jashtëzakonshëm, të mbajtur në Prishtinë.
Shkëmb Manaj, anëtari i Kryesisë së Lidhjes Demokratike të Kosovës, thotë se nuk kishte asnjë presion në delegatë për të votuar nga ana e kampit të Abdixhikut.
“Nga ana e Abdixhikut nuk kishte presion. Ka dal tashmë një përgjim për presion nga ana tjetër, ku një delegati i bëhej presion për thirrjen e Kuvendit në këmbim të punësimit të bashkëshortes. Këto nuk janë formë e LDK-së dhe si të tilla nuk duhet të jenë pjesë e proceseve ”, ka thënë Shkëmb Manaj në emisionin “Infonata” në Tëvë1.
Ai vlerësoi se Kuvendi ka qenë demokratik.
“Është e rëndësishme që kishim një program demokratik. Rol kishin trupat e Kuvendiot pët mbrëvajten e rregullt. Kuvendi ka kaluar në frymën më të lart të demokracisë. Kishte diskutime, por jo të gjata. Kuvendi e ka dëmtuar LDK-në. Gjithsesi, ky proces nuk e ka ndarë LDK-në. Nuk ka tensione, mbrëmë ka përfunduar gjithçka dhe të gjithë e pranojnë rezultatin”, theksoi Manaj.
“Lumir Abdixhiku e mori partinë me 12 përqind dhe e ngriti gradualisht”, shtoi Shkëmb Manaj.
