Gjykatorja u mbush me avokatë të caktuar sipas detyrës zyrtare.
Por, asnjë nga klinentët që do ta mbrojnë këta, nuk ishte i pranishëm në sallë.
Në këtë formë të premten nisi seanca gjyqësore për Masakrën e Reçakut.
Këtu në mungesë, do të gjykohen 21 serbë të akuzuar, si pjesëmarrës në masakrën që e tronditi botën.
Prezenca e tyre, nuk arriti të sigurohej as nga Prokuroria Speciale, e as nga Gjykata Themelore në Prishtinë.
“Përmes Ministrisë së Punëvë të Jashtme të Republikës së Kosovës për Zyrën Ndërlidhëse të Kosovës me seli në Beograd, ka paraqitë kërkesë për sigurimin e adresave dhe përcjelljen e njoftimit për të pandehurit e lartëcekur, që sipas të dhënave rezulton se kanë vendqëndrim në shtetin e Serbisë. Deri në këto momente, nuk kemi ndonjë përgjigje nga Ministria e Punëve të Jashtme”, ka thënë Namani Hajra.
Pavarëisht kësaj, Gjykata konstatoi se janë përmbushur kushtet që gjykimi të zhvillohet në mungesë të të akuzuarve.
Pas kësaj, radha i erdhi prokurorit special, Ilir Morina.
Ky i fundit filloi me leximin e aktakuzës voluminoze për krimet e kryera në Reçak gjatë viteve 1998-1999.
“Me datë 15 janar 1999, në fshatin Reçak, Komuna e Shtimes, të pandehurit e lartëcekur në cilësinë e pjesëtarëve të forcave policore dhe ushtarake serbe, me dashje dhe në bashëkryerje, morën pjesë dhe kontribuan në vrasjen e 42 civilëve të fshatit Reçak”, tha Morina.
Detajet që i ndau prokurori special, paraqiten krimet mizore të luftes që forcat serbe i kryen atë premte në Reçak.
“Në oborrin e shtëpisë së Rashit Rashiti, fillimisht e vrasin Banush Kamerin, të cilit pastaj ia prejnë kokën. Në vendin e quajtur “Vrella”, i vrasin Haki Metushin, Sabri Sylën dhe Arif Metushi”, u shpreh tutje prokurori special Ilir Morina.
Sipas aktakuzës së Prokurorisë, që të gjithë viktimat ishin civilë shqiptarë, gra e burra, pleq e fëmijë.
Prokurori përshkroi edhe momentin e vrasjes së 24 personave në turmë.
“Në momentin që civilët arrijnë në këtë lokacion duke ecur në kolonë, papritmas në të dy anët e rrugicës fillojnë të shtëna me armë automatike nga të gjitha anët, pa ndërprerë për disa minuta, duke i ekzekutuar njëzet e katër persona në mënyrë mizore”, theksoj Morina.
Përpos vrasjes, 21 të akuzuarit akuzohen edhe për keqtrajtim dhe maltretim të civilëve.
“Që të gjithë të armatosur, nën kërcënimin e armëve i detyruan të gjithë burrat të dalin nga vendstrehimi dhe të vendosen në oborr, ndërsa gratë dhe fëmijët i mbyllën me çelës në bodrum, më pastaj i kanë legjitimuar burrat, i kanë shtrirë për toke dhe filluan t’i rrahin në mënyrë çnjerëzore duke përdorur kondakë të armëve, shqelma, dru, zinxhirë dhe gjësende tjera të forta”, ka përfunduar Morina.
Aktakuza e Prokurorisë të pandehurit i ngarkon edhe me përgjegjësi penale për shkatërrim të pasurisë së popullsisë civile dhe dëbim të tyre.
Gjithë aktakuzën, prokuroria mes tjerash e mbështet në dëshmitë e 52 dëshmitarëve, që janë edhe të dëmtuar në këtë procedurë.
Gjatë këtij gjykimi, Prokuroria planifikon që si dëshmitarë të profilit të lartë.
Ndër ta edhe ish-shefi i Misionit të Verifikimit të OSEB-së në Kosovë, William Walker dhe ish-komandantin suprem të NATOS-së, Wesley Clark.
