Ballkani është ndalur në raundin e dytë kualifikues të Ligës së Konferencës.
Ballkani u eliminua me penallti nga skuadra irlandeze Bohemians.
Në “Fadil Vokrri”, Bohemians fitoi 5:4 në penallti
Pas dy dueleve, rezultati i përgjithshëm ishte 4:4. Ndeshja në kryeqytet nisi mirë për Ballkanin që udhëhoqi 3:0, por në fund të ndeshjes mysafirët nga Irlanda shënuan dy herë për ta dërguar ndeshjen në vazhdime. Pasi nuk pati gola në dy pjesët nga 15 minuta, ndeshja shkoj në penallti.
Ishte vendimtare gjuajtja e parë e Bajram Jashanicës, i cili nuk shënoi nga 11-metërshi, derisa skuadra mysafire i realizoi të gjitha për të realizuar fitoren dhe kualifikimin në rrethin tjetër.
