“Mas 27 viteve me ardh dita me përjetu ditën sikurse sot ka vdek”, ka thënë Ademi Vokshi.
Dhimbja e Lutfije Ademit nuk është shuar as pas gati tri dekadash.
Ajo vazhdon të jetojë me pritjen se një ditë do të gjenden eshtrat e vëllait të saj, doktor Adem Ademit, i vrarë dhe i zhdukur në vitin 1999.
Gërmimet që nisën sot në Zubin Potok, asaj ia kanë shtuar shpresën për gjetjen e mbetjeve mortore të vëllaut.
“Vet emri edhe vendi ku janë duke u gropu mu më bën me dyshu edhe nëntëdhjetë përqind jam e bindur që aty ka me u gjet grupi i vllaut tim”,, ka thënë tutje Ademi Vokshi.
Kujtimet për vëllanë i ka ende të freskëta. Fotografinë e tij, bashkë me gazetat ku kërkohet drejtësi për Adem Ademin, ajo i ruan me ngulm, si dëshmi e një dhimbjeje që nuk është shëruar kurrë.
E sa herë flet për vëllanë, Lutfija nuk arrin t’i ndal lotët.
Doktori Adem Ademi bashkë me grupin e tij, ajo tregon se në shumë raste u doli në ndihmë ushtarëve të Ushtrisë Çlirimtare të Kosovës.
“Ata pse kanë qenë intelektual edhe se kanë shëru ushtarë të UÇK-së edhe kanë bo vepra për Kosovën, ata sot nuk janë… po serbët t’i kanë zhduk veç pse je shqiptar”, theksoj Ademi Vokshi.
Megjithatë, shpresa për drejtësi nuk është shuar.
“Unë besoj në drejtësi edhe besoj që drejtësia do t’i merr në dorë këta serbë që i kanë arrestu sot, ata nuk duhen të lirohen, duhet ta marrin dënimin e merituar”, ka përfunduar Ademi Vokshi.
Dy serbëve të ndaluar sot, u është caktuar masa e ndalimit prej 48 orësh.
