Tre persona janë vrarë dhe disa të tjerë janë plagosur pas një të shtëne me armë zjarri në një festival ushqimor pranë Space Needle në Seattle të dielën.
Policia tha se kishte dy të dyshuar që po qëllonin me armë zjarri ndaj njëri-tjetrit. Njëri prej të dyshuarve është në paraburgim dhe tjetri është ende në arrati, megjithëse zyrtarët kanë thënë se nuk ka kërcënim për publikun, raporton BBC.
Të shtënat u dëgjuan rreth orës 18:00 sipas orës lokale (01:00 GMT) në një nga vendet turistike më të njohura të qytetit, ndërsa festivali vjetor i ushqimit Bite of Seattle tërhoqi edhe më shumë njerëz në qendër të qytetit.
Dy vdekje u konfirmuan në vendngjarje dhe një person vdiq më vonë në spital. Zyrtarët thanë se mes të plagosurve është edhe një djalë dy vjeç.
Departamenti i Policisë së Seattle-it tha se një hetim është duke vazhduar dhe i bëri thirrje publikut të shmangë zonën.
