Një person është plagosur me armë zjarri në Vushtrri të enjten.
Rasti sipas Policisë së Kosovës ka ndodhur rreth orës 15:00.
Avni Zahiti zëdhënës i policisë për rajonin e Mitrovicës, ka thënë për teve1.info se i plagosuri është dërguar për tretman mjekësor.
Ai ka bërë të ditur se një person i dyshuar për këtë rast është në kërkim, ndërsa janë shoqëruar katër persona të dyshuar si të përfshirë në ngjarje.
“Sot, rreth orës 15:00, Policia në Vushtrri ka pranuar informatën se një person është plagosur nga arma e zjarrit. Personi i lënduar mashkull madhor, është dërguar për trajtim mjekësor. Policia po ndërmerr veprime te nevojshme operative dhe hetimore, ndërsa është në kërkim të personit të dyshuar. Në kuadër të veprimeve fillestare hetimore, janë shoqëruar për intervistim katër persona si të dyshuar për pjesëmarrje ne ngjarje. Rrjedha hetimore po zhvillohet në koordinim me Prokurorin kompetent”, ka thënë Zahiti.
