Komuna e Prishtinës ka njoftuar se nga sot, segmenti i rrugës “Ilir Konushevci”, nga kryqëzimi me semaforë në rrugën “Lidhja e Prizrenit” deri te kryqëzimi me semaforë në rrugën “Vëllezërit Fazliu”, do të jetë i mbyllur për qarkullim për pesë ditë.
Mbyllja e këtij segmenti bëhet për shkak të zhvillimit të punimeve në infrastrukturën rrugore.
Për të shmangur vonesat dhe ngarkesat në komunikacion, autoritetet u bëjnë thirrje qytetarëve që gjatë kësaj periudhe të shfrytëzojnë rrugët alternative:
Rrugën “Maliq Pashë Gjinolli”, përmes rrugës “Bajram Bahtiri”;
Unazën Qendrore dhe rrugën “Zagrebi”, përmes rrugës “Vëllezërit Fazliu”;
Rrugën “Murat Mehmeti”, me dalje në rrugën “Lidhja e Prizrenit”.
Autoritetet kërkojnë mirëkuptimin e qytetarëve gjatë zhvillimit të punimeve dhe apelojnë që drejtuesit e automjeteve të planifikojnë lëvizjet e tyre duke përdorur rrugët alternative, me qëllim të shmangies së kolonave dhe vonesave në komunikacion./teve1.info/
