Anëtari i kryesisë së LDK-së, Sokol Haliti, ka thënë se në mbledhjen e së enjtes së LDK-së është folur për zhvillimet e fundit në vend.
Ai nuk dha datë se kur do të thirret Kuvendi i LDK-së pas dorëzimit të nënshkrimeve për thirrjen e kuvendit.
“LDK është parti institucionale. Çdo gjë do të bëhet me kohë. LDK i respekton afatet, procedurat dhe rregullat. Interes shtetëror është formimi i institucioneve. Sot kishte takime rutinore të punës dhe të komisioneve juridike. Kuvendi do të thirret brenda afateve”, ka thënë për mediat Sokol Haliti.
“Kryetar legal i LDK-së (Lumir Abdixhiku) është legal deri në zgjedhjet e reja”, theksoi Haliti.
Lidhja Demokratike e Kosovës është mbledhur të enjten për të diskutuar lidhur me kërkesën për thirrjen e Kuvendit të jashtëzakonshëm të partisë pas nismës për shkarkimin e kryetarit Lumir Abdixhiku.
Kuvend të Jashtëzakonshëm LDK-ja ka mbajtur edhe më 31 janar, pas zgjedhjeve të 28 dhjetorit, ku Abdixhiku pati ofruar vetë dorëheqjen. Në votëbesimin e mbajtur, atij iu rikonfirmua pozita.
