Kompania Rajonale e Ujësjellësit “Bifurkacioni” ka njoftuar se nga sot, duke filluar nga ora 09:00, do të ketë ndërprerje të përkohshme të furnizimit me ujë të pijes për disa konsumatorë.
Sipas njoftimit të kompanisë, ndërprerja do të prekë konsumatorët në rrugët “Naim Beka”, “Brahim Ademi”, si dhe banorët e fshatit Muhovc.
Nga KRU “Bifurkacioni” bëhet e ditur se ndërprerja e furnizimit është planifikuar për shkak të punimeve teknike në terren, të cilat po zhvillohen në kuadër të projektit për zëvendësimin e ujëmatësve të vjetër me ujëmatës të rinj.
“Konsumatorët e rrugëve ‘Naim Beka’, ‘Brahim Ademi’ dhe konsumatorët e fshatit Muhovc do të kenë ndërprerje të përkohshme të furnizimit me ujë të pijes, për shkak të punimeve teknike në terren në kuadër të projektit për zëvendësimin e ujëmatësve të vjetër me ujëmatës të rinj. Furnizimi me ujë për konsumatorët e këtyre rrugëve do të rikthehet me fillim nga ora 16:00”, thuhet në njoftimin e KRU “Bifurkacioni”.
Kompania u ka bërë thirrje qytetarëve të zonave të prekura që të marrin masat e nevojshme deri në rikthimin e rregullt të furnizimit me ujë.
