Një mërgimtare është bërë viktimë e një vjedhjeje të rëndë në Pejë, ku sipas Policisë, nga valixhja e saj është vjedhur një shumë e konsiderueshme parash.
Rasti për tëvë1.info e ka konfirmuar zëdhënësi i policisë për rajonin e Pejës, Driton Rugova i cili ka thënë se rasti ka ndodhur të martën, rreth orës 11:45, në rrugën “Myrvete Maksutaj” në Pejë.
Ai ka bërë të ditur se menjëherë pas pranimit të informatës, njësitet policore kanë dalë në vendin e ngjarjes dhe kanë intervistuar viktimën.
“Dje, rreth orës 11:45, Policia është njoftuar për një vjedhje të rëndë në rrugën ‘Myrvete Maksutaj’ në Pejë, ku një mërgimtare, e ardhur nga Evropa, ka raportuar se nga valixhja e saj i është vjedhur një shumë e konsiderueshme parash. Njësitet policore kanë dalë menjëherë në vendin e ngjarjes dhe kanë intervistuar viktimën, ndërsa organet kompetente janë duke ndërmarrë veprimet e nevojshme për identifikimin dhe arrestimin e personit apo personave të dyshuar”, thuhet në deklaratën e Policisë.
Hetimet për zbardhjen e plotë të rastit janë në vazhdim./teve1.info/
