Një person ka pësuar lëndime trupore gjatë kryerjes së punës në Obiliq dhe është dërguar për trajtim mjekësor në Qendrën Klinike Universitare të Kosovës (QKUK).
Sipas raportit 24-orësh të Policisë së Kosovës, rasti ka ndodhur të mërkurën, më 8 korrik 2026, rreth orës 14:00.
“Obiliq 08.07.2026 – 14:00. Raportohet se ankuesi mashkull kosovar, derisa ishte duke punuar ka pësuar lëndime trupore. Viktima është dërguar për trajtim mjekësor në QKUK. Lidhur me rastin është njoftuar prokurori me vendim të cilit është iniciuar rasti dhe mbetet në hetime”, thuhet në raport.
Lidhur me rastin është njoftuar prokurori i shtetit, i cili ka urdhëruar inicimin e rastit, ndërsa hetimet janë në vazhdim.
