Policia e Kosovës ka gjetur dhe sekuestruar marihunaë, armë zjarri, fishekë e para gjatë një kontrolli në një shtëpi në rrugën “Skënderbeu” në Kaçanik.
Në këtë rast që ka ndodhur të hënën nuk ka të arrestuar.
“Gjatë kontrollit në shtëpinë e të dyshuarit mashkull kosovar janë gjetur dhe janë konfiskuar një sasi e substancës narkotike e llojit marihuanë me peshë prej 401.9 gramë, një armë zjarri AK/47, 5 karikatorë me 109 fishekë, një pistoletë me dy karikatorë me 29 fishekë dhe 9050 €”, thuhet në raportin 24-orësh të PK-së./teve1.info/
