Një person është arrestuar në Kaçanik për keqpërdorim të detyrës zyrtare.
Ai dyshohet se përveç dokumenteve të rregullta kishte kërkuar dokumente shtesë për të cilat qytetari do duhej paguar mbi 600 euro të një kompani private gjeodezike.
Por, edhe pse pagesa ishte bërë, qytetari kishte vërejtur se dokumentet nuk figuronin ku më pas kishte lajmëruar policinë.
Këta të fundit kanë njoftuar se pas marrjes së informacionit kanë nisur hetimet dhe kanë arrestuar të dyshuarin.
“Dyshohet se personi duke shfrytëzuar detyrën apo autoritetin zyrtar, përveç dokumentacionit të rregullt për leje të ndërtimit, i kishte kërkuar viktimës dokumente shtesë (projekte) e të cilat do t’ia kompletonte ai për t’i paguar me pas shumën mbi 600 euro tek një kompani private gjeodezike. Pasi viktima kishte marr lejen, kishte vërejtur se dokumentet për të cilat kishte bërë pagesën nuk figuronin ne dosje, dhe me këtë rast e njoftoi Policinë”, thuhet nga Policia e Kosovës.
Pas intervistës i dyshuari me Aktvendim të Prokurorit, është ndaluar për 48 orë.
