Një grua në Prizren e një burrë në Dragash gjendet pa shenja jete.
Dy raste të dyshuar si vetëvrasje kanë ndodhur të dielën pasdite në rajonin e Prizrenit.
Një grua rreth 54-vjeçare është gjetur pa shenja jete në banesën e saj në rrugën “Turgut Özal” në Prizren.
Ndërsa, rasti tjetër ka ndodhur në fshatin Restelicë, të Dragashit kur një zyrtar policor ka njoftuar se në një zonë pyjore është gjetur një person pa shenja jete
Zëdhënësi i Policisë së Kosovës për rajonin e Prizrenit, Shaqir Bytyqi, ka bërë të ditur se për të dy rastet janë iniciuar hetime dhe, bazuar në rrethanat fillestare, dyshohet se bëhet fjalë për vetëvrasje.
Për të dy rastet është njoftuar prokurori kompetent, me autorizimin e të cilit kanë nisur veprimet hetimore. Me urdhër të prokurorit, trupat e pajetë janë dërguar në Institutin e Mjekësisë
Ligjore (IML) për obduksion, ndërsa rastet janë iniciuar dhe po hetohen si “Hetim i vdekjes”./teve1.info/
