Me rastin e Ditës së Pavarësisë së Shtetet e Bashkuara të Amerikës, kryetari i Lidhja Demokratike e Kosovës, Lumir Abdixhiku, ka uruar popullin amerikan, duke e cilësuar SHBA-në si aleatin më të rëndësishëm dhe mikun më të madh të Kosovës.
Abdixhiku ka theksuar se 4 Korriku përfaqëson ditën kur u shpallën idealet e lirisë, demokracisë dhe dinjitetit njerëzor, vlera që vazhdojnë të frymëzojnë popujt e lirë në mbarë botën.
Sipas tij, për Kosovën, SHBA-ja është shumë më tepër se një aleate strategjike, pasi ka qenë mbështetësja vendimtare në rrugëtimin drejt lirisë, pavarësisë dhe ndërtimit të shtetit.
“Ky partneritet nuk është vetëm pjesë e historisë sonë. Është edhe garancia më e mirë për të ardhmen tonë. Prandaj, orientimi euroatlantik i Kosovës dhe thellimi i miqësisë me Shtetet e Bashkuara të Amerikës mbeten përherë zgjedhja jonë strategjike”, ka deklaruar Abdixhiku.
Në fund të mesazhit, ai u ka uruar qytetarëve amerikanë 4 Korrikun, duke shprehur besimin se miqësia ndërmjet Kosovës dhe SHBA-së do të vazhdojë të forcohet edhe në të ardhmen./teve1.info/
