Ish-presidentja e Kosovës, Vjosa Osmani, ka vlerësuar se 36-vjetori i miratimit të Deklaratës Kushtetuese të 2 korrikut shënon një nga momentet më të rëndësishme në rrugën drejt shtetësisë së Kosovës.
Ajo ka thënë se kjo datë përbën pikënisjen e realizimit të idesë për një Kosovë të lirë dhe të pavarur.
“Sot i nderojmë delegatët e Kuvendit të Kosovës, të cilët më 2 Korrik 1990 e artikuluan qartë vullnetin e qytetarëve të vendit për liri, duke e miratuar Deklaratën Kushtetuese. Themelet e shtetit tonë qëndrojnë mbi vendosmërinë e tyre për ta refuzuar dhunën dhe për t’i përqafuar vlerat e lirisë”, ka shkruar Osmani.
Sipas saj, delegatët e asaj kohe dhanë shembull të qartë të qëndresës dhe mosdorëzimit përballë sfidave.
“Mbi të gjitha, ata dhanë shembullin e mosdorëzimit para asnjë vështirësie, shembull që vazhdon të na frymëzojë edhe sot”, ka shtuar ajo.
Deklarata Kushtetuese e 2 korrikut 1990 konsiderohet si një nga aktet kyçe në rrugën historike drejt pavarësisë së Kosovës.
