Sipas Institutit Hidrometeorologjik të Kosovës, rreshje më të fokusuara të shiut parashihen në veri dhe perëndim të Dukagjinit, kurse pjesët tjera të vendit parashihen të kenë reshje më të pakta.
Temperaturat maksimale të ditës do të lëvizin ndërmjet 19-23 gradë Celsius.
“Do të mbajë mot me vranësira dhe intervale me diell. Vranësirat gjatë ditës do të shoqërohen me reshje shiu të karakterit frontal. Sasitë e reshjeve më të fokusuara parashihen ne veri dhe perëndim të Dukagjini, deri sa pjesët tjera parashihen të kenë sasi më të pakta të reshjeve. Kjo situatë meteorologjike do të krijoj kushte që në zona të kufizuar të ketë mundësi për reshje breshëri. Temperaturat minimale do të lëvizin ndërmjet 13-16 gradë Celsius, ndërsa maksimalet e ditës parashihen të lëvizin ndërmjet 19-23 gradë Celsius. Do të fryjë erë e lehtë, mesatare dhe lokalisht e fortë, nga drejtimi i veriperëndimit”, thuhet në njoftim.
