Një armë gjuetie pa leje dhe 12 fishekë janë sekuestruar nga Policia e Kosovës gjatë një kontrolli të realizuar në fshatin Kaçanik i Vjetër, në komunën e Kaçanikut.
Lidhur me rastin, i dyshuari E.L., 62 vjeç, po hetohet për veprën penale “Mbajtje në pronësi, kontroll ose posedim i paautorizuar i armëve”.
Pas intervistimit nga organet kompetente, ai është liruar në procedurë të rregullt me vendim të prokurorit të shtetit.
“Më datën 26.06.2026, në bazë të veprimeve operative dhe lidhshmërisë së rastit, hetuesit stacionit policor të Kaçanikut, kanë realizuar një kontroll në fshatin Kaçanik i Vjetër, tek i dyshuari E.L., 62 vjeç. Gjatë kontrollit kanë gjetur dhe sekuestruar një pushkë gjuetie si dhe 12 fishekë”, tha policia./teve1.info/
