Më 28 qershor, serbët shënojë atë që e quajnë festa e Vidovdanit.
Por, sipas analistit serb Radomir Dimiq ky Vidovdan do të gjejë shoqërinë serbe të ndarë.
Një pjesë sipas tij e drejtuar drejt një të ardhme jashtë miteve, studentët dhe protestuesit dhe pjesa e tjetra mbështetëse e pushtetit të Vuçiqit që Vidovdanin e cilëson “të jesh a të mos jesh”
“Kështu, Vidovdani i 637-të me radhë do të jetë edhe një festë tjetër, përkatësisht një shenjtëri kombëtare e ndarjes së thellë të shoqërisë serbe në dy kolona. Njëra e drejtuar drejt një të ardhmeje të çmitizuar, dhe tjetra e cila, si shumë pushtete para saj, do ta cilësojë Vidovdanin si “të jesh a të mos jesh” për shpëtimin dhe mbijetesën e popullit serb. Sepse, siç qëndrojnë gjërat, me sa duket pikërisht deri në fund të këtij viti do të shpallen zgjedhjet “fatkeqe” presidenciale dhe parlamentare”, ka shkruar ai një opionin.
Ai poashtu ka thënë se ky Vidovdan pritet të keqpërdoret politikisht, por sipas tij, e mira është se Vuçiqi, të cilit ju ka referuar ai si Pinoku serb nuk do të mund të jetë në Gazimestan për të gënjyer e hapur mite për Kosovën.
“Ajo që është e mirë, është se Pinoku serb nuk do të mundet kurrsesi të vijë në Gazimestan për të gënjyer e për të përhapur mite se si Kosova është ende tokë e shenjtë serbe apo për të bërë thirrje për një betejë të re të Kosovës. Këtë mund ta bëjë ende vetëm nga ndonjë kontejner kufitar ose nga “Çaçilendi” i tij, duke akuzuar rrejshëm shtetin e Kosovës për persekutim dhe keqtrajtim të entitetit serb, si dhe për diskriminim fetar e etnik. Prandaj, në vend të miteve të Lomparit dhe nacionalistëve të tjerë serbë që i drejtojnë gënjeshtrat e tyre ndaj studentëve, le të presim që asnjë Vidovdan i ardhshëm të mos jetë ditë zie, përmbysjeje të historisë dhe modelim i aspiratave nacionaliste, por një Ditë e gëzimit dhe e dritës së një Serbie demokratike, e cila nuk do të jetojë nga mitet e së kaluarës, por mbi vlerat dhe parimet që kultivojnë shoqëritë dhe demokracitë evropiane”, ka shkruar ai.
