Këshilli i Atlantikut të Veriut do të vizitojë sot KFOR-in, misionin e udhëhequr nga NATO në Kosovë dhe Ekipin Këshillues dhe Ndërlidhës të NATO-s.
Ambasadorët e Aleatëve dhe të Partnerëve kontribuues të trupave të KFOR-it do të takohen me komandantin e KFOR-it, gjeneralmajor Ferenc Kajári dhe drejtorin e Ekipit Këshillues dhe Ndërlidhës të NATO-s në Kosovë, gjeneral brigade Joachim Hoppe.
Ata do të kenë edhe një bashkëbisedim me shefat e misioneve të Bashkimit Evropian, EULEX-it, OSBE-së dhe UNMIK-ut. Ambasadorët do të kenë mundësinë të angazhohen me trupat e KFOR-it.
