Drejtoria Rajonale e Policisë në Pejë ka njoftuar se gjatë periudhës nga 1 deri më 22 qershor 2026, stacionet policore në kuadër të kësaj drejtorie kanë realizuar një sërë urdhëresash të lëshuara nga gjykatat kompetente, duke arrestuar gjithsej 38 persona të kërkuar.
Sipas njoftimit, personat e arrestuar dyshoheshin për vepra të ndryshme penale dhe ndaj tyre janë ndërmarrë procedurat e parapara ligjore.
Nga numri i përgjithshëm i të arrestuarve, 13 persona janë dërguar në vuajtje të dënimit në qendrat e paraburgimit, në bazë të vendimeve të gjykatës.
Ndërkohë, 25 persona të tjerë janë paraqitur në seanca gjyqësore dhe pasi kanë kryer pagesën e dënimit me gjobë, janë liruar.
Policia ka theksuar se aksionet për zbatimin e urdhëresave gjyqësore do të vazhdojnë edhe në ditët në vijim, me qëllim të realizimit të vendimeve të organeve të drejtësisë dhe forcimit të rendit dhe sigurisë publike./teve1.info/
