Deputeti i zgjedhur i Vetëvendosjes, Ilir Kërçeli, ka reaguar ndaj deklaratës së ish-kryeministrit Avdullah Hoti, i cili bëri thirrje për organizimin e një proteste në mbështetje të projektit të gazit amerikan.
Në reagimin e tij publik, Kërçeli ka vënë në pah se sfida kryesore e LDK-së nuk lidhet me raportet me Shtetet e Bashkuara të Amerikës, por me zhvillimet e brendshme në parti.
“Ta mbrojmë me protestë aleancën tonë me SHBA-të, tha një deputet dhe ish-kryeministër i LDK-së. Ooo mbrojeni LDK-në, sepse po ju ndërrohet qiramarrësi. Për aleancën me SHBA-të ka kush kujdeset dhe e mbron”, ka shkruar Kërçeli në Facebook.
Deklarata e tij vjen në kuadër të debatit politik të ditëve të fundit lidhur me projektin e gazit amerikan dhe qëndrimet e partive politike për këtë çështje./teve1.info/
