Partia Demokratike e Kosovës ka shpallur zgjedhjet e brendshme, në mbledhjen e sotme të Kryesisë.
Kryetari i PDK-së, Bedri Hamza ka theksuar rëndësinë e një procesi korrekt dhe transparent, e që garanton përmbajtje dhe standarde të larta demokratike në çdo hap të tij.
Në këtë mbledhje është vendosur formimi i një grupi punues, i cili do të ketë përgjegjësi për përgatitjen teknike dhe ligjore të këtij procesi zgjedhor.
Ky grup do të kujdeset për orientimin, mbarëvajtjen dhe strategjinë e përgjithshme, duke siguruar që zgjedhjet të zhvillohen në mënyrë të rregullt dhe të drejtë.
Afati i përcaktuar për fillimin e zgjedhjeve të brendshme është muaji shtator, “duke i dhënë kohë të mjaftueshme strukturave organizative për përgatitje të plotë dhe gjithëpërfshirëse”
“Kryesia e PDK-së riafirmoi përkushtimin e saj për një proces demokratik, të drejtë dhe përfaqësues, në përputhje me standardet dhe traditën politike të PDK-së”, thuhet në njoftim.
