Këshilli Prokurorial i Kosovës (KPK) ka publikuar thirrjen për pjesëmarrje në takimin e Panelit Vlerësues për konfirmimin e statusit të kandidatëve për pozitën e Kryeprokurorit të Shtetit.
Sipas njoftimit, takimi do të mbahet nesër, më 17 qershor, duke filluar nga ora 11:00, në sallën e takimeve në ndërtesën e Këshillit Prokurorial të Kosovës, në katin e gjashtë.
KPK-ja ka ftuar monitoruesit e interesuar të marrin pjesë në këtë proces, duke theksuar rëndësinë e respektimit të rregullave dhe orareve të përcaktuara gjatë monitorimit.
“Ftoheni të merrni pjesë në takimin e Panelit Vlerësues për konfirmimin e statusit të kandidatëve për pozitën e Kryeprokurorit të Shtetit, nesër, me datë 17 qershor 2026, duke filluar nga ora 11:00, në sallën e takimeve në ndërtesën e Këshillit Prokurorial të Kosovës, kati VI. Gjatë monitorimit, kërkohet nga secili monitorues që t’u përmbahet të gjitha rregullave dhe orareve të përcaktuara nga KPK-ja. Ju lutem të na konfirmoni emrin e monitoruesit, duke kontaktuar Zyrёn pёr Komunikim Publik në adresen: [email protected]”, thuhet në njoftim./teve1.info/
