Avdia thotë se ky vendim ka një fuqi të madhe, sidomos për një shtet si Kosova, që sipas tij, janë të pafuqishme në proceset e dialogut.
“Shtetet siç janë Kosova e dobët në dialog, dhe e pafuqishme në tryezën e bisedimeve gjatë këtyre viteve, me këtë vendim kjo ka marrë një fuqi të madhe. Pozicioni i Serbisë është më i keqi që pas viti 2011 që kemi filluar bisedimet. Pasi Serbia është para një akti që ose duhet të ndryshojë rolin e saj dhe ta mbajë rolin në raportin me Bashkimin Evropian dhe SHBA-të ose thjeshtë të bëhet një shtet shtojcë, siç është Serbia e Rusisë dhe të marrin rolin edhe një vurje të zezë, si një shtet i cili mund të shtyjë kriza në rajon”, tha ai në “Këndi i Debatit” në Tëvë 1.
Tutje, analisti Avdia theksoi se këtë momentum duhet ta shfrytëzojë kryenegociatori Besnik Bislimi, pasi siç thotë ai, zëvendëskryeministri tani e ka tryezën e dialogut më të lehtë.
Parlamenti Evropian ka miratuar të mërkurën rezolutën për Kosovën që u prezantua nga raportuesja për Kosovën, Viola von Cramon. Ajo ka dhënë detaje nga raporti, duke theksuar nevojën për liberalizim të vizave për Kosovën, si dhe për procesin e dialogut e që kërkohet të përfundojë me njohje reciproke.
Kjo rezolutë u miratua nga 637 deputetë, 496 prej të cilëve ishin për, 96 kundër dhe 72 abstenuan. /Teve1.info/
