Hoti në emisionin “Ditari” në Tëvë1 theksoi se Kosova i ka përmbushur të gjitha kriteret për liberalizim të vizave.
“Kjo e ka kalu çdo afat, e ka humbur rëndësinë e vet për qytetarët e Kosovës nga absurdi që ka ndodhur në këtë drejtim sepse Kosova ka pasur dyfishin e kritereve dhe të gjitha ato i ka plotësuar. Është shumë interesant që në takime të mbyllura të gjitha arritjet që i ka bërë Kosova pranohen. Mirëpo, kur dëgjoj deklarata publike të shteteve të caktuara të Bashkimit Evropian atëherë me njëfarë mënyre ato vështirësitë e brendshme që i kishin sidomos Franca me emigracionin e pa rregullt i shpërfaqnin në aspektin politik duke thënë që Kosova nuk i ka plotësuar kriteret në fushën e sundimit të ligjit, e që tash mendoj që ka ndryshuar qëndrim edhe Bashkimi Evropian”, vlerësoi ai./teve1.info./
