Sipas Hotit, kjo varet edhe se si do ta trajtojë Këshilli i Ministrave dhe Këshilli Evropian këtë rezolutë.
“Unë dyshoj që shpejtë mund të lëvizë në drejtimin e duhur Këshilli i Ministrave dhe Këshilli Evropian, mirëpo gjithsesi kjo është një masë shtytëse karshi nivelit të Këshillit të Ministrave që edhe ata t’i vëjnë një afat Serbisë që të distancohet nga agresioni rus në Ukrainë dhe pastaj të lëvizë në drejtim të dialogut drejtë një marrëveshje gjithëpërfshirëse me Kosovën”, tha ai në Tëvë1.
Politologu në emisionin “Ditari” theksoi se dialogu mes Kosovës dhe Serbisë duhet të vazhdojë, sepse sipas tij, këtë po e kërkojnë miqtë amerikan dhe evropian.
“Se kur do të arrihet kjo nuk mund ta them me siguri, mirëpo zhvillimet e luftës në Ukrainë e determinojnë pak a shumë edhe qasjen e BE-së ndaj Ballkanit Perëndimor në përgjithësi dhe Kosovës në veçanti. Ajo që është e rëndësishme është se dialogu mes Kosovës dhe Serbisë duhet të vazhdojë sepse është i pa alternativë sepse shtetet vazhdimisht kanë dialoguar. Rusia sot me Ukrainën edhe pse janë në luftë kanë dialoguar e edhe ne e kemi obligative të dialogojmë me Serbinë sepse, kështu na kërkojnë miqt tanë amerikan dhe evropian prandaj mendoj që edhe politika e BE-së do të lëvizë në favor të Kosovës në muajt që vijnë”, shtoi ai ./teve1.info.
