Anglia dhe Kosta Rika e kanë përjetuar problemin e stuhive dhe motit jo të mirë, dhe ky mund të jetë rreziku më i madh në Kupën e Botës, në aspektin e zhvillimit të ndeshjeve.
Gjatë Kupës së Botës për Klube, stuhitë ishin faktor që shumë ndeshje në turne u shtynë kurse gjashtë ndeshje përfunduan me vonesë.
Ka pasur ndeshje që janë shtyrë për pak minuta, ndërsa më e gjata ka qenë ajo mes Benficas dhe Auckland Cityt. Ai ballafaqim ishte shtyrë për më shumë se dy orë.
Për një orë e 40 minuta ishte shtyrë ndeshja mes Pachucas dhe Salzburgut. Një orë ndalesë pati në ndeshjen Ulsan – Mamelodi Sundoëns, njësoj si Boca Juniors – Auckland City.
Për 45 minuta nuk u pa futboll as në ndeshjen Palmeiras – Al Ahly. Megjithatë, rregulli është i qartë.
Nëse bie rrufe në rrezen prej 13 kilometrave nga stadiumi, ndeshja ndalet.
Tifozët largohen nga shkallët e stadiumit, kurse lojtarët hyjnë në dhomat e zhveshjes.
Për të nisur ndeshja sërish duhet që të mos ketë rrufe tjetër për 30 minuta.
