Kandidatja për deputete nga Lidhja Demokratike e Kosovës, ka thënë se qytetarët dhanë mesazh për të gjithë në zgjedhjet e 7 qershorit.
Ajo ka thënë se abstenimi i pjesëmarrjes në zgjedhje është thirrje për reflektim.
Bajrami në postim në Facebook, ka thënë se ndëshkimi më i madh ishte ndaj partisë në pushtet, por siç është shprehur ajo kishte një mesazh edhe për LDK-në.
“Abstenimi i tyre është thirrje për reflektim dhe llogaridhënie se pse erdhëm në situatën ku mbajmë zgjedhje për të shkuar përsëri në zgjedhje. Pa asnjë dyshim, shumë qytetarë ndëshkuan partinë që kishte 51 për qind, e cila e keqpërdori, përbuzi dhe nuk e zbatoi vullnetin e popullit. Njëkohësisht, edhe neve na thanë qartë se duhet më shumë punë, më shumë seriozitet dhe më shumë përkushtim që të na shohin si zgjidhje”, ka shkruar ajo.
Bajrami ka thënë se qytetarët e kanë kuptuar se tri palë zgjedhje janë mbajtur për interesa të ngushta.
Dhe sipas saj ky rezultat është thirrje për reflektim.
