Policia e Kosovës ka arrestuar dy persona në Prishtinë, pas një incidenti të raportuar, ku janë përdorur armë zjarri.
Njësitet e Drejtorisë së Policisë së Kryeqytetit kanë reaguar pas raportimit të rastit, duke dalë në vendin e ngjarjes dhe duke ndërmarrë veprime operative.
Policia ka arrestuar dy të dyshuar, si dhe ka sekuestruar armë, të cilat dyshohet se janë përdorur në incident.
Të dy të dyshuarit janë intervistuar nga organet kompetente, ndërsa në koordinim me Prokurorin e Shtetit është iniciuar procedurë penale ndaj tyre për veprat “Përdorimi i armës apo mjetit të rrezikshëm” dhe “Mbajtja në pronësi, kontroll ose posedim të paautorizuar të armëve”.
Hetimet për rastin janë në vazhdim.
