Një rast i lëndimit të rëndë trupor është raportuar dje rreth orës 20:00 në Lipjan, ku pas një mosmarrëveshjeje pesë persona dyshohet se kanë sulmuar katër viktima me mjet të mprehtë (thikë).
Sipas Policisë, dy të dyshuar meshkuj kosovarë janë arrestuar, ndërsa tre të tjerë janë larguar në drejtim të panjohur dhe ende ndodhen në arrati,.
Si pasojë e sulmit, njëri nga të dyshuarit dhe dy nga viktimat kanë pranuar tretman mjekësor.
Me vendim të prokurorit, pas intervistimit nga organet e rendit, dy të dyshuarit janë dërguar në mbajtje, ndërsa hetimet lidhur me rastin janë duke vazhduar.
Raporti i plotë:
LËNDIM I RËNDË TRUPOR
Lipjan 28.05.2026, 20:00. Janë arrestuar dy të dyshuar meshkuj kosovarë pasi që të njëjtit pas një mosmarrëveshje së bashku me tre të dyshuar të tjerë, të cilët kanë ikur në drejtim të panjohur, kanë sulmuar fizikisht me mjet të mprehtë (thikë) katër viktimat meshkuj kosovarë. Njëri nga të dyshuarit dhe dy viktimat kanë pranuar tretman mjekësor, ndërsa me vendim të prokurorit pas intervistimit të dyshuarit janë dërguar në mbajtje.
