Ushtruesja e detyrës së Presidentes së Republikës së Kosovës, Albulena Haxhiu, ka pritur sot në takim Kryesuesin dhe Sekretaren e Përgjithshme të Këshillit Konsultativ për Komunitete.
Sipas njoftimit zyrtar, gjatë takimit është diskutuar për rolin e Këshillit si mekanizëm i rëndësishëm i komunikimit ndërmjet komuniteteve dhe institucioneve të Republikës së Kosovës, si dhe për nevojën që shqetësimet, propozimet dhe prioritetet e komuniteteve të trajtohen me kujdes të vazhdueshëm institucional.
Haxhiu ka theksuar se barazia merr kuptim atëherë kur qytetarët kanë qasje të barabartë në institucione, shërbime dhe në proceset e vendimmarrjes.
“Ajo konfirmoi përkushtimin e Presidencës për bashkëpunim të vazhdueshëm me Këshillin, në shërbim të të drejtave, përfaqësimit dhe pjesëmarrjes së të gjitha komuniteteve në jetën publike të Republikës së Kosovës”, thuhet në njoftim.
