Përgatitjet e fundit po i bëjnë të martën.
Kjo për të qenë çdo gjë gati për festen e Kurban Bajramit.
Por, çmimet të cilat i panë në Tregun e Gjelbër të mërkurën qytetarët e Prishtinës, thonë se ishin më të larta se zakonisht.
“Shpesh dal për shkak të mamit nuk mundet, po vrej që rritje po ka, sidoms tek këto elementare dhe nuk po di po duhet me ble. Kjo është ajo që ne po e pasojm rritjet si familjar… Zakonisht në shtetet e jashtme kur është festa lirohen tek na ngritet”, u shpreh një qytetar.
“Po ka pas rritje të çmimeve pak, do ushqimore. Këto pemët dhe perimet janë më të lira sot, a këto të tjera janë më të shtrejta. Po du me thon çka i kem të përditshme sheqer, mill e këto janë shumë të shtrejta”, ka thënë qytetari tjetër.
E një qytetarë tjetër, thotë se i përcjelli për disa ditë artikujt.
Prandaj, sipas Ejup Tahirit, nuk pati lëvizje të çmimeve.
“Nuk kanë ndryshu prej dje çmimet se bash i verifikova gjatë rrugës këtu. Po nuk ka ndryshu prej dje, çmimet. Kanë ra çmimet krahasim se qysh kanë qenë një ditë përpara kanë qenë shumë lart. Përshembull domatet, specat”, theksoj edhe një qytetar.
E kryetari i shoqatës së konsumatorëve, Selatin Kaçanikut, thotë se në tregjet e Kosovës, po mungojnë kontrollet.
“Për të gjitha festat, në vend se si në botën e kulturuar çmimet të ulen, te ne ndodh e kundërta. Kur ka rritje të kërkesës dhe rritje të ofertës, se ato shkojnë bashkë, ka përgatitje paraprake, te ne rriten çmimet, ani pse nuk do të duheshte të rrisnin çmimet. Do të duheshte me rritjen e ofertës dhe kërkesës të ulen çmimet”, u shpreh Kaçaniku.
Rritja e çmimeve për shkak të festave sipas Kaçanikut paraqet shkelje të ligjit.
“Është shkelje e ligjit për mbrojtjen e konsumatorit, është shkelje e programit, është shkelje e të gjitha ligjeve të tjera që rregullojnë tregun dhe ekonominë, është shkelje e ligjit mbi standardizimet, është shkelje e etikës, e moralit, janë të gjitha shkeljet e mundshme aty”, përfundoj Kaçaniku.
Ndryshe, me 27 maj në besimtarët myslimanë në Kosovë, festojnë festën e Kurban Bajramit.
