Ditën e martë, doli tek selia e Këshillit Kombëtar Shqiptar.
Teuta Fazliu nga Lugina e Preshevës, ka disa vjet që po përballet me një problem.
Shteti serb, nga viti 2020, ia pasivizoi adresën.
E këtë shqetësim, Teuta synon t’ua paraqes vet dy kongresmenëve amerikanë, që të martën do ta vizitojnë Preshevën.
E pas një ore, Teuta Fazliu për Tëvë1, thotë se amerikanët pranuan ta dëgjojnë nga afër.
E të rëndësishme atë që e dëgjuan prej Teutës, po e vlerësojnë vet amerikanët.
“Ne e dëgjuam prej saj drejtpërdrejt, ne do të interesohemi për më shumë detaje. Sepse është e rëndësishme që të kesh më shumë detaje, jo vetëm informacione gjenerale. Duhet të flisni me dikë që po e përjeton realitetin. Sikur studentët për shembull. Një nga ta i cili e kishte dërguar çështjen deri tek gjykata më e lartë”, ka thënë Self.
Se cka diskutuan në tërësi gjatë takimit tregoi edhe kryetari i Këshillit Kombëtar Shqiptar, Enkel Rexhepi.
Pas këtij takimi, republikani Self dhe demokrati Subramanyam u pritën në drekë punë edhe nga kryetarët e Preshevës dhe Bujanocit.
Madje pas drekës, për njëri-tjetrin patën edhe dhurata.
Për të parën e Preshevës, Ardita Sinanin vizita tregon përkushtimin e Amerikës për të parë se si jetojnë shqiptarët në Serbi.
Si historike këtë vizitë e ka parë edhe kryetari i komunës së Bujanocit, Arbër Pajaziti.
Pas takimeve në Beograd e Preshevë, kongresmenët amerikanë do të qëndrojnë për vizitë edhe në Kosovë.
