Krahas Vedat Muriqit e Albian Hajdarit, te skuadra e Fenerbahçes po synojnë transferimin edhe të një futbollisti tjetër të Kombëtares së Kosovës.
Bëhet fjalë për Edon Zhegrovën, i cili është pjesë e Juventusit dhe pritet që këtë verë të largohet nga skuadra e Fenerbahçes.
Zhegrova është në listën e kandidatit presidencial të Fenerbahçes, Aziz Yildirim, i cili ka premtuar përforcime të mëdha nëse merr postin e presidentit në zgjedhjet që do të mbahen më 7 qershor.
Megjithatë, Fenerbahçe do të ketë konkurrencë të fortë për Zhegrovën, i cili po kërkohet edhe nga dy skuadrat tjera të Turqisë, Trabzonspori e Beshiktashi.
Zhegrova ka kontratë deri në vitin 2030 me Juventusin, ekip që ende nuk ka marrë një vendim të prerë për të ardhmen e 27-vjeçarit.
Ai verën e shkuar u transferua te Juventusi nga Lille, duke e mbyllur sezonin me 27 paraqitje në të gjitha garat apo 525 minuta lojë në total.
