Çmimet e naftës ranë ndjeshëm dhe tregjet aziatike u rritën mes shpresave për një marrëveshje që mund t’i japë fund konfliktit SHBA-Izrael me Iranin.
Nafta Brent ra 5.5% në 97.90 dollarë për fuçi, ndërsa nafta amerikane ra 5.9% në 90.93 dollarë, raporton BBC
Sekretari amerikan i Shtetit, Marco Rubio, tha se negociatorët kishin një “gjë mjaft të fortë në tryezë” dhe se marrëveshja mund të arrihej të hënën.
Presidenti amerikan, Donald Trump tha se marrëveshja do të përfshinte rihapjen e Ngushticës së Hormuzit dhe se “Një marrëveshje është negociuar kryesisht”.
Ai shtoi: “Të dyja palët duhet të marrin kohën e tyre dhe ta bëjnë siç duhet. Nuk mund të ketë gabime!”
Irani tha se qëndrimet e tij dhe të SHBA-së janë afruar javën e fundit, megjithëse paralajmëroi për “deklarata kontradiktore” nga amerikanët.
Ngushtica e Hormuzit, përmes së cilës kalon rreth një e pesta e naftës dhe LNG-së globale, është mbyllur efektivisht që nga fillimi i konfliktit më 28 shkurt.
Ekspertët paralajmërojnë se edhe nëse arrihet marrëveshja, tregjet e energjisë dhe transporti detar do të mbeten të tensionuara për shkak të dëmeve në infrastrukturë dhe pasigurisë në rajon.
