Projekti pritet të fillojë në vitin 2023 e të përfundojë në vitin 2025.
Krahas kësaj, Komuna e Pejës planifikon hapësira edhe për taksistët afër këtyre dy stacioneve.
“Konkretisht stacioni i autobusëve do të zhvendoset në hapësirat afër stacionit të trenit, ku me një projekt të komunës së Pejës është planifikuar ndërtimi i një stacioni multi-modal. Këtij projekti i ka hapur rrugë një marrëveshje bashkëpunimi mes Komunës së Pejës dhe Ndërmarrjes publike të Infrastrukturës së Hekurudhave të Kosovës “Infrakos”. Me këtë projekt do të bëhen bashkë në një vend stacioni i trenit, stacioni i autobusëve dhe taksistët”, ka thënë Arta Nallbani – drejtoreshë e urbanizmit.
Megjithëse, qytetarët e mirëpresin, disa prej tyre kanë rezerva sa i përket sigurisë.
Madje, dikush këtë e sheh si rikthim të infrastrukturës së kohës së Jugosllavisë.
I financuar nga buxheti komunal, realizimi i këtij projekti planifikohet të fillojë në vitin e ardhshëm.
Kronika e realizuar nga Florijeta Dernjani
