Në Junakë të Zveçanit është bërë përurimi i nënstacionin e ri policor
Në këtë ngjarje morën pjesë, ushtruesja e detyrës së presidentes, Albulena Haxhiu, ministri në detyrë i Punëve të Brendshme, Xhelal Svçla dhe drejtori i Policisë së Kosovës, Gazmend Hoxha
Haxhiu tha se ky nënstacion forcon praninë institucionale, rrit sigurinë dhe fuqizon sovranitetin e Republikës së Kosovës.
“Vendosja e institucioneve të sigurisë në terren është dëshmi e shtrirjes së shtetit dhe e përkushtimit ndaj rendit, ligjit dhe sigurisë për të gjithë qytetarët, pa dallim. Prania e policisë mundëson reagim më të shpejtë, ofrim më efikas të sigurisë dhe forcim të besimit në institucionet shtetërore, si themel i stabilitetit dhe sigurisë së qëndrueshme”, ka theksuar U.D. Presidentja Haxhiu, thuhet në komunikatën e Presidencës.
Ajo më tej ka thënë se do të vazhdojmë investimet në Policinë e Kosovës, në siguri dhe në forcimin e institucioneve tona shtetërore, për të mbrojtur sovranitetin, rendin kushtetues dhe për të ndërtuar një Kosovë më të zhvilluar e më të sigurt në çdo cep të saj./teve1.info/
